تعليلة البقعة @ مركز اتحاد المرأة الأردنية
تعليلة هي دائماً المنبر الأول لكل شخص يمتلك اي موهبة كانت (شعر ، غناء ، موسيقى ، رسم ، مسرح )او قصة نجاح او تجربة او خبرة او مبادرة و بحب يشاركها مع الاخرين ليتعلموا منه او يتعلم منهم هي المساحة المفتوحة للجميع لتوصل صوتكم للناس المساحة يلي بتعمل دمج مجتمعي و بتساوي بين الجميع بغض النظر عن خلفياتهم الثقافية او مستواهم الاجتماعي او قدراتهم المختلفة و بتقرب الناس من بعض و بنتعلم منها دائما كل شي جديد و بنستمتع بالمواهب والابداعات يلي فيها
ومتل ما عودناكم تعليتنا بمخيم البعقة هالمرة رح تكون ب 4/12/2016 يوم الاحد الساعة 3 عصرا
بمركز اتحاد المرأة الأردنية – مخيم البقعة
بدنا نتعلل لنجتمع من جديد، و نسمع بعض، نحكي يلي جوانا، ونسولف قصص ومواقف صارت معنا ،نضحك على موقف، ونتعلم من غيرنا، نسمع موسيقى وعزف ،، نتعرف على فنون جديدة
تعليلة من جديد رح تجمعنا كمشاركين ومستمعين ومشاهدين
(الدعوة عامة بدون تذاكر)
شعارنا بتعليلة [اقترب كي اراك ، وتكلم كي اسمعك ]
ونحن رح نستضيف بهاي التعليلة وجوه جديدة وناس جداد وافكار جديدة ومنها الغريبة
انضموا النا وشاركونا تعليلتنا