رحلة دهب الأردن مع آوت آند أباوت
البترا ووادي رم Petra & Wadi Rum
الجمعة والسبت 28 و 2016/10/29 Friday & Saturday
مرت سنة على مغامرة رم اللي الكل بستناها وصار الوقت إنّو نرجع نعيد أجوائنا العائلية مره تانية.. رحلات آوت آند أباوت ما بتحلى الا معكم وفيكم وبمحبتكم
كل سنة في شي غير.. رحلتنا المرة هاي بدايتها المدينة الوردية بروعتها وجمالها
بعدين على وادي رم ع مخيم رحايب اللي كنا فيه السنه الماضية، بنستلم خيمنا ال VIP
لترتاحوا شوي بكون صار موعد العشا.. زرب بوفيه مفتوح. وحفلة DJ صغيرة
جهزوا لوكس للمسير الليلي وقعدة رواق بالصحرا تحت النجوم مع ابريق شاي بدوي
اليوم التاني ببدا بدري قبل شروق الشمس، في جمال بكونوا بستنونا ع باب المخيم عشان ياخدونا ع منطقه الشروق بمسير لمدة ساعة في دهب الاْردن الصحراء الأروع، ومن هناك بنطلع بالجيبات جولة 4 ساعات ممتعة في محمية رم وأجمل المواقع
جعتوا ولا لسه ؟ يلا نرجع ع المخيم لنفطر بعدين نسلم الخيم وننطلق ع عمّان الحبيبة بعد يومين من العمر مع صحابنا وصحابنا الجداد ونقول كأني بعرفكم من زمان.. الله يديم المحبة بينا كلنا
Early Bird Registration
عرض التسجيل المبكر.. رسوم الاشتراك 80 دينار ع الشخص ( حتى يوم السبت 10/15)
ورسوم الاشتراك بعد 10/15.. 90 دينار ع الشخص
(يزيد مبلغ 55 دينار للأجانب فرق دخوليات البترا ووادي رم)
وتشمل
– مبيت في خيمة vip مع حمام مستقل
– جولة ركوب الجمال وقت الشروق 1 ساعة
– جوله جيبات 4 ساعات
– 3 وجبات.. فطور بالباص، وعشا بوفيه زرب بالمخيم، وفطور بوفيه بالمخيم
– التنقلات في باص سياحي حديث
– دخولية البترا
– دخولية رم
– التسجيل بالدفع فقط الرجاء عدم الاحراج
– سجل اليوم لتضمن مكان
– في حاله الالغاء قيمه الاشتراك غير مسترده الا اذا اكتمل العدد وفي مشترك بديل
– الرحله للعائلات، المجموعات المختلطه، الصبايا
– بامكانكم ترك 1 دينار او أكتر لدعم المشاريع الخيرية في مبادرة ايد على ايد
… والأهم دايما جو عيلتنا الحلو بروحكم الحلوه وابتسامتكم
ملاحظات
– ضرورة احضار الهوية الشخصية
– البسوا اواعي مريحة وحذاء رياضي وجيبوا جاكيت للمسا
– حطوا واقي شمس وطواقي
– جيبوا مي و سناك كتير (رح نوقف عند استراحة للي بحب يشتري)
– جيبوا لوكس للمسير الليلي
– رح نتصور صور حلوة مع بعض، بتشوفوها ع مواقع التواصل الاجتماعي للمجموعة
تجمعنا الساعه 8:00 صباحا عند سيفوي الدوار السابع (موقف خاص متوفر لسياراتنا بالسيفوي)
الانطلاق الساعه 8:30 تمام صباح الجمعة
وصول عمان حوالي الساعه 6:00 عصرالسبت
الرحلة بالتعاون مع Rimal Tours رمال تورز للسياحة والسفر
للتسجيل وللاستفسار تواصلوا مع آوت آند أباوت: وليد 0798703725
عامر 0799264943
معاً دائماً بمحبة وسلام
فريق الرحلات