بقول المثل الشعبي “اللي ما بحضر السوق ما بتسوق”، وفي الحنونة، لأنكم بتعزوا علينا وبنعرف أنه المرمغة ما بتلبق لأمثالكم يا أصايل، بدنا نخبركم عن السوق قبل بوقت لتلحقوا السوق وتلحقوا أبوه كمان… الجمعة 2017/4/28 أول أيام سوق الحنونة يا أصايل، سوق فيه شو بيخطر على بالكم.
قطفنا الزيتونات وعصرناهن، وقطفنا الخضرة إلي بترد الروح، وخبزنا المناقيش وفردناهن، عجنا الصلصال وشويناه، والحرير طرزناه… ولأنه من القوار بيطلع نوّار، جبنا القوار ليعبي بيوتكن نوّار…
سوق الحنونة، مبادرة تطلقها سيدات اللجنة النسائية في جمعية الحنونة للثقافة الشعبية لتوسيع دائرة المعارف والحبايب ولتسويق مجموعة منتجات شعبية دعماً لمن يعمل على إنتاجها وشكراً له لإيمانه/ها بأهمية إبقاء كل هذه الحرف والصناعات الشعبية حية تتنفس بيننا…
كونوا معنا ابتداءً من الجمعة 4/28 الصبح وحتى مساء يوم السبت 4/29، في مقر جمعية الحنونة للثقافة الشعبية على دوار المدينة الرياضية،خلف مجمع قوقا -عمارة رقم 8.عمان…